VIJANA KITUNDA KATI WAJIANDAA NA SIKU YA MATENDO YA HURUMA DUNIANI

Idara ya vijana kutoka kanisa la Waadventista wa Sabato Kitunda Kati wameendelea na maandalizi ya kushiriki katika siku ya matendo ya huruma ulimwenguni yatakayoendeshwa na chama hicho kushirikiana na Idara ya vijana, Sambamba na siku hiyo itafuatiwa na masomo ya vijana yatakayoendeshwa ulimwengu mzima kwa muda wa juma moja(wiki moja) , lengo ikiwa ni kuwajenga vijana kiroho, kiakili na kijamii hasa katika kipindi hiki cha siku za mwisho.

Kanisa la Kitunda Kati limepanga kuendesha masomo hayo kwa awamu mbili yaani saa 11 alfajiri na saa 11 jioni. ambapo saa 11 alfajiri itakuwa ni somo la vijana wa kati na vijana wakubwa, na jioni itakuwa ni somo kwa ajili ya vijana wadogo. Masomo hayo yataendeshwa na Samson Chiganga pamoja na Paul Misiwa ambao ni wakurugenzi wa chama cha watafuta njia katika mwaka huu 2015.
Tunapenda Kuwakaribisha wote kushiriki katika tukio hili  kubwa na la muhimu. Masomo yatatanguliwa na kwenda kuwaona watoto yatima tarehe 21/03/2015 kisha masomo yataendelea hadi tarehe 28/03/2015.

 Bwana awabariki mnapojiandaa kushiriki